Skýrslan Innviðagreining á höfuðborgarsvæðinu sýnir aðgengi íbúa að þjónustuinnviðum á höfuðborgarsvæðinu. Til þjónustuinnviða teljast t.a.m. skólar, verslanir, sundlaugar, heilbrigðisþjónusta, græn svæði og fleira. Markmið greiningarinnar er að varpa ljósi á dreifingu innviða á höfuðborgarsvæðinu, aðgengi íbúa að þeim og hvernig aðgengi tengist lýðfræðilegri samsetningu og gerð byggðarinnar.
Í þessari skýrslu sem unnin var fyrir SSH eru settar fram tillögur til úrbóta í skólastarfi með áherslu á að draga úr álagi meðal starfsfólks í grunnskólum. Gerð skýrslunnar er eitt af áhersluverkefnum sóknaráætlunar höfuðborgarsvæðisins 2025-2029 undir málefnasviðinu Velferð og samfélag.
Undanfarin ár hefur orðið aukin ásókn í sérúrræði innan skólakerfisins á höfuðborgarsvæðinu. Um er að ræða börn með fjölbreyttar og oft umfangsmiklar þjónustuþarfir, hvort sem þær eru vegna fötlunar, veikinda, hegðunarvanda eða annarra samsettra þátta. Þrátt fyrir þá megináherslu að börn sæki nám í sínum heimaskóla hefur reynslan sýnt að ekki er alltaf unnt að mæta þörfum allra barna innan þess ramma.
Markmið verkefnisins er að greina og móta sameiginlegar aðgerðir á höfuðborgarsvæðinu vegna álagsdreifingar umferðar um svæðið. Aðgerðirnar voru m.a. mótaðar með því að rýna eldri tillögur, stefnur og aðgerðir, og standa að samráði við fulltrúa menntastofnanna og vinnustaða.
Verkefnastjóri frá Nordic Office of Architecture var ráðinn til að vinna greiningu á því hver áhrif áframhaldandi óbreytts vaxtar þéttbýliskjarna utan höfuðborgarsvæðisins til ársins 2050 geti haft á höfuðborgarsvæðið og er lokaskýrsla verkefnisins frá apríl 2025.
Um er að ræða verkefni sem er hluti af framfylgd sóknaráætlunar höfuðborgarsvæðisins 2024 undir meginflokknum velferð og samfélag og er ætlað styðja við aukna útivist og hreyfingu íbúa.
Ráðgjöf og tillögur að aðgerðum sveitarfélaga til að draga úr losun til ársins 2035
Á seinni hluta ársins 2024 og fram yfir mitt ár 2025 hefur SSH unnið að mörgum verkefnum
Ársskýrsla SSH 2024 Á seinni hluta ársins 2023 og fram yfir mitt ár 2024 hefur SSH unnið að mörgum verkefnum
Við gerð kjarasamnings í maí 2011 sammæltust Samband íslenskra sveitarfélaga og Félag grunnskólakennara (FG) í bókun 2 um að halda áfram vinnu á grundvelli sameiginlegrar framtíðarsýnar í skólamálum til ársins 2020. Framtíðarsýnin var unnin skv. sameiginlegum samningsmarkmiðum og markmiðum í kjarasamningi aðila frá 2008. Vinnan leiddi af sér könnun sem var lögð fyrir alla kennara á netfangalista Félags grunnskólakennara dagana 20. janúar til 6. febrúar 2012 og bárust svör frá 2.616 kennurum.
Tilgangur verkefna í þessum flokki var að skilgreina og nýta möguleg sóknarfæri til að efla og samþætta skólastarf á öllum skólastigum með það að markmiði að skólastarf á höfuðborgarsvæðinu sé til fyrirmyndar.
Skýrslan var gefin út af Samtökum sveitarfélaga á höfuðborgarsvæðinu í apríl 2014 og unnin af Almar M. Halldórssyni og Kristjáni K. Stefánssyni fyrir verkefnið „Skólar og menntun í fremstu röð“ í tengslum við Sóknaráætlun höfuðborgarsvæðisins.
Þessi skýrsla var hluti af verkefninu „Samvinna skólastiga frá leikskóla að háskóla” í verkefnaflokknum Skólar og menntun í fremstu röð en verkefnið var hluti af Sóknaráætlun fyrir höfuðborgarsvæðið 2013.
„Gæði skólastarfs í alþjóðlegum samanburði“ var hluti af Sóknaráætlun fyrir höfuðborgarsvæðið 2013 sem var fjármagnað m.a. af ríkissjóði samkvæmt sérstökum samningi þar um.
„Árangur, líðan og væntingar nemenda í innlendum og erlendum samanburði“ var hluti af verkefninu Gæði skólastarfs í alþjóðlegum samanburði í verkefnaflokknum Skólar og menntun í fremstu röð. Verkefnið var hluti af Sóknaráætlun fyrir höfuðborgarsvæðið 2013 sem var fjármögnuð m.a. af ríkissjóði samkvæmt sérstökum samningi þar um.
„Samvinna skólastiga frá leikskóla að háskóla“ var hluti af Sóknaráætlun fyrir höfuðborgarsvæðið 2013 sem var fjármagnað m.a. af ríkissjóði samkvæmt sérstökum samningi þar um.
Þessi skýrsla var hluti af verkefninu: Samvinna skólastiga frá leikskóla að háskóla í verkefnaflokknum Skólar og menntun í fremstu röð en verkefnið var hluti af Sóknaráætlun fyrir höfuðborgarsvæðið 2013. Áætlunin var fjármögnuð m.a. af ríkissjóði, samkvæmt sérstökum samningi þar um.
„Höfuðborgarsvæðið sem háskólaborg“ var hluti af verkefnaflokknum Skólar og menntun í fremstu röð, sem fellur undir Sóknaráætlun fyrir höfuðborgarsvæðið 2013. Markmið verkefnisins var að skapa aðlaðandi vettvang fyrir háskólanám í augum innlendra og erlendra námsmanna.
„Símenntun á vinnumarkaði“ er hluti af verkefnaflokknum Skólar og menntun í fremstu röð. Hann er hluti af Sóknaráætlun fyrir höfuðborgarsvæðið 2013 sem er fjármögnuð m.a. af ríkissjóði samkvæmt sérstökum samningi þar um.
