Nýting gervigreindar í starfsemi sveitarfélaga

Að sveitarfélögin geti nýtt sér stafrænar lausnir til aukinnar þjónustu og rekstrarhagræðis og til að auka skilvirkni og bæta þjónustu við íbúa.  

Með gervigreind er hægt að greina gögn hraðar, spá fyrir um þörf á þjónustu og taka upplýstari ákvarðanir, til dæmis í skipulagsmálum. Sjálfvirk svörun spurninga getur sparað tíma og auðveldað samskipti við íbúa. Þó þarf að gæta að öryggi persónuupplýsinga til að tryggja gagnavernd og fylgja lögum um persónuvernd. Einnig ber að varast of mikla sjálfvirkni þar sem mannlegur þáttur er nauðsynlegur í mörgum tilfellum.

Gervigreind er ekki framtíðin – hún er nútíðin, og með réttri notkun getur hún breytt leiknum.

Verkefnið gekk út á að skoða hvernig sveitarfélögin á höfuðborgarsvæðinu geta nýtt sér tækni gervigreindar á sameiginlegum vettvangi til að auka skilvirkni og bæta þjónustu við íbúa.

Verkefnið leiddi til kortlagningu tækifæra er varða gervigreind hjá sveitarfélögunum á höfuðborgarsvæðinu, lista yfir tækifæri sem verður forgangsraðað og útbúna verkefnáætlun. Áframhaldandi vinna getur aukið skilvirkni og hagræði í þjónustu sveitarfélaganna. Verkefnið var skilgreint sem áhersluverkefni sóknaráætlunar árið 2025.

Verktaki var Data Lab Ísland ehf.

Ljósmynd tekin við undrritun samnings 24. maí 2025:
Brynjólfur Borgar Jónsson framkvæmdastjóri Data Lab og Páll Björgvin Guðmundsson framkvæmdastjóri SSH