Innkaupavefur
Innkaupavefur - forkönnun
Um er að ræða framhald af skilgreindu áhersluverkefni árið 2024. Markmið verkefnisins er tvíþætt. Annars vegar að greina fýsileika á stofnun innkaupavef til að ná fram hagkvæmni í innkaupum sveitarfélaganna á höfuðborgarsvæðinu. Hins vegar að vinna í gegnum samráðsvettvang sveitarfélaganna að greiningu og sameiginlegum innkaupum sveitarfélaganna á höfuðborgarsvæðinu.
Verkefnið er skilgreint sem eitt áhersluverkefni sóknaráætlunar fyrir árið 2026.
Verkefnið byggir á fyrri vinnu um innkaupamál sveitarfélaganna á höfuðborgarsvæðinu sem leiddi af sér samráðsvettvang um innkaupamál á höfuðborgarsvæðinu. Í ljósi reynslu af undirbúningi verkefnisins er það umfangsmikið og flókið, en talið víst að það geti skilað miklu hagræði fyrir sveitarfélögin.
Væntur árangur verkefnisins eru hagkvæmari innkaup sveitarfélaganna og ábati af stafrænum ferlum og
lausnum.
2024
Forkönnun á sameiginlegum innkaupavef
Verkefnið var eitt af áhersluverkefnum ársins 2024.
Markmið með verkefninu var að greina hvort fýsilegt sé að setja á laggirnar sameiginlegan innkaupavef til að ná fram hagkvæmni í innkaupum sveitarfélaganna á höfuðborgarsvæðinu.
Verkefnið fólst í því að:
- Greina tækni, kostnað, lagalegar forsendur og fyrirliggjandi lausnir þess að vinna að sameiginlegum innkaupavef.
- Greina hvort hagkvæmara sé að setja upp vef fyrir sveitarfélögin eingöngu eða vinna með lausnum annara opinberra aðila.
Lokaafurð verkefnis var í formi tillagna um hvort ráðist verði í uppbyggingu á sameiginlegum innkaupavef sveitarfélaganna á höfuðborgarsvæðinu eða í samstarfi við aðra.
Væntur árangur var að fyrir liggi greining á hagkvæmni og fýsileika þess að koma upp svæðasamstarfi um starfrænar lausnir við innkaup á vegum sveitarfélaganna og tillögur um áframhald verkefnisins. Áhersla verði á að fyrir liggi hvort og með hvaða hætti best er fyrir sveitarfélögin að standa saman að innkaupum.