Ratsjáin fyrir ferðaþjónustu á höfuðborgarsvæðinu
Markmið verkefnisins var að efla þrjá megin hæfniþætti ferðaþjónustufyrirtækja á höfuðborgarsvæðinu:
- Nýsköpunarhæfni
- Sjálfbærnihæfni
- Stafræna hæfni
Verkefnið var skilgreint sem áhersluverkefni sóknaráætlunar 2021.
Ratsjáin hefur þann tilgang að efla þekkingu og hæfni starfandi ferðaþjónustufyrirtækja og fyrirtækja í tengdum greinum. Með aukinni þjálfun og færni er stuðlað að því að fyrirtæki sem þátt taka hverju sinni nái auknum árangri í rekstri, séu betur undirbúin fyrir nýja tíma, séu í betri stöðu til að skila jákvæðri afkomu og fái tækifæri til að spegla sig í rekstri hvors annars.
Meðal efnisþátta sem verða í boði eru: nýsköpun og vöruþróun, markaðsmál og markhópar, sjálfbærni, umhverfismál og ábyrg ferðaþjónusta, stafræn þróun, samkeppnishæfni og sérstöðugreining, svo dæmi séu tekin. Boðið var upp á námskeið og vinnufundi til að ná því fram. Framkvæmdaaðili var Íslenski ferðaklasinn.
